No icon

राष्ट्रिय प्रजातन्त्र पार्टी परित्याग गरेका पूर्वमन्त्री सुनील बहादुर थापा नेपाली कांग्रेसमा प्रवेश

१३ साउन, काठमाण्डौं । राष्ट्रिय प्रजातन्त्र पार्टी परित्याग गरेका पूर्वमन्त्री सुनीलबहादुर थापा मंगलबार नेपाली कांग्रेसमा प्रवेश गरेका छन् । कांग्रेस पार्टी कार्यालय सानेपामा आयोजित कार्यक्रममा सभापति शेरबहादुर देउवाले थापालाई पार्टी सदस्यता प्रदान गरे । सो कार्यक्रममा कांग्रेस वरिष्ठ नेता रामचन्द्र पौडेल, नेता विजयकुमार गच्छदार पनि सहभागी थिए । नेपाली कांग्रेसले राप्रपा छाडेर पार्टी प्रवेश गरेका सुनिल थापालाई सहमहामन्त्री बनाएको छ । सभापति शेरबहादुर देउवाले थापालाई सहमहामन्त्री पद दिएको बताएका हुन्। ‘धेरै साथीहरू हाम्रो पार्टी प्रवेश गर्नुभएको छ। अहिले हामीले के दिएका छौं र १ सहमहामन्त्री पद दिएको छु,’ सभापति देउवाले भने, ‘भोलिका दिनमा उहाँहरूले काम गर्दै जानुहुनेछ।’
राप्रपाका पूर्वमहामन्त्री थापालाई सभापति देउवाले सदस्यता दिएर र वरिष्ठ नेता रामचन्द्र पौडेलले माला लगाएर मंगलबार पार्टी प्रवेश गराएका हुन् ।  देउवाले आफू प्रधानमन्त्री हुँदा थापा मन्त्री रहेको प्रसंग निकाल्दै काम गर्न सक्ने क्षमता थापामा रहेको बताए।  उक्त अवसरमा सभापति देउवाले अहिलेको सरकारको आलोचना गरेका थिए। सरकारले मिडिया, मानव अधिकारलगायतका क्षेत्रलाई ुकन्ट्रोलुमा लिन खोजेको देउवाको दाबी थियो। सरकारबाट लोकतन्त्रमाथि नै खतरा रहेकोले प्रजातन्त्रमा विश्वास गर्ने शक्ति एक हुनुपर्ने उनले बताए। कांग्रेस प्रवेश गरेका थापाले २०१० सालदेखि कांग्रेससँग टुटेको नाता आजदेखि फर्किएकोमा खुसी व्यक्त गरेका थिए।

Comment As:

Comment (0)